三年前面包就嚟過一次【樂齡科技博覽暨高峰會】，而2024年聽講個主題係AI應用，身為科技達人嘅面包拉着拍攝團隊話一定要嚟多次。

一入會場就試玩左Seeker團隊推出嘅AI鏡頭，可以透過拍照描述現場環境，準確度一百分啊，面包話以後唔洗驚買鹽變左做買糖。

跟住去左玩銀齡守護卡，佢嘅AI可以連接唔同日常程式，講一句佢就可以幫你叫外賣或者做唔同野，真係超級方便！ 如果發生意外，仲可㩒守護卡上面嘅SOS制，連接去監察平台，就會有人提供幫助。

行到差唔多面包肚餓了，去左照護食區試食唔同餐廳出嘅軟餐。無諗到隔左一排，照護食就發展得咁完善，無論色、香、味都好出色，面包都讚好味道！

最後食飽飽緊係要郁動下，面包就去左遠程復康訓練平台到玩，而係加入左唔同遊戲元素，唔講仲以為真係打緊機。

參觀後佢分享：「樂齡科技越出越進步，大家唔再驚年紀大機器壞，可以輕鬆面對樂齡人生。」