唔想再眼光光等天光？「心旅」臨床實證六星期非藥物治療助您重拾優質睡眠

最新本地研究指出有近7成香港人都有睡眠困擾，您係咪其中一份子？✋🏻心旅推出「失眠認知行為治療」，以臨床實證有效、本地註冊臨床心理學家認可嘅方法幫助您改善失眠困擾。報名詳情可參考網頁連結。

如有任何查詢，歡迎致電/WhatsApp/Signal 5375 7909或電郵[email protected]聯絡心旅專員💌。

照顧者體驗工作坊接受報名！

喺人生唔同階段我哋都會擔當照顧者嘅角色，因此及早了解照顧資訊、保持身心健康非常重要。 睿程現正舉辦「照顧者體驗工作坊」，活動結合理論、體驗、真人圖書環節，為照顧者提供一個互助、彼此交流照顧知識嘅支援網絡，同時學生都可以深入了解照顧者議題，主動關愛和幫助有需要人士。

「照顧者體驗工作坊」歡迎各照顧者服務機構/中小學校報名參與，查詢/報名請參閱網站連結，或致電/WhatsApp 5468 6849聯絡。

「啡徒」計劃終於面世啦！

咖啡學徒招募中！「啡徒」計劃將會資助40位學員，參加24堂咖啡師育成計劃。除咗沖煮咖啡技巧，學員亦會參與籌備市集、實地考察、咖啡業界交流等等嘅活動。完成課堂嘅學員，將可參與線上線下嘅咖啡比賽，爭取10個實習及工作名額！

歡迎各機構推薦青年人參加！如果想報名參加，可以到佢哋嘅instagram查詢，啡徒見！😊

「平安五寶」輕鬆規劃晚期人生

「遺善最樂」同另一間社企「一切從簡」聯手提供一站式服務，安排律師、醫生同殯儀策劃師為市民辦理「平安五寶」。服務範圍：

一、遺囑（平安紙）

二、持久授權書

三、預設醫療指示

四、身後事規劃

五、生命告別式

「持久授權書」同「預設醫療指示」必須由醫生先為你做精神評估，再由律師及或醫生見證簽署先有法律效力。

💝 了解「平安五寶」： www.forevergift.hk/5blessings

💬 電話或 WhatsApp 查詢：(852) 5468 3635

手牽手童遊點滴 最後一片花瓣

眨眼間，上學期既小組已經全部完成！呢班同學喺每節完結嘅時候，都會一齊填滿花上嘅其中一塊花瓣；到咗最後一塊花瓣啦！大家都好唔捨得，用盡各種方法問治療師姐姐嘅電話號碼、問佢住邊區等等。治療師姐姐支吾以對，其實內心都非常疼惜小朋友，非常唔捨得。呢朵花同小朋友一同成長，默默地見證住呢段美麗時光。

計劃通過表達藝術治療促進自閉症兒童同基層兒童之間嘅共融，提高佢哋嘅社交技巧同自我表達能力。如果想參加佢哋嘅活動同想了解更多，可以瀏覽佢哋嘅網站。

齊齊研製新派糕點！

為提倡多元⽂化、建⽴構共融社會，糕點時光喺社創基金嘅支持下 ， 由三月起舉辦一系列糕點工作坊同講座，搭建本地同少數族裔婦女嘅⽂化溝通橋樑。第一輪嘅本地及南亞糕點工作坊已圓滿結束，接下來一班婦女參加者會合力研製富有本地以及南亞色彩嘅新派糕點 ，齊齊體驗文化共融嘅樂趣！

有關活動詳情請留意糕點時光網站及社交平台～

成為潛水Buddy  發揮互助精神

計劃透過潛伴制度加強傷殘人士同癌症康復患者與社會嘅聯繫，促進社會共融。Artemis 期望透過潛水運動，擴闊佢哋嘅社交圈、豐富佢哋嘅生活，提高佢哋嘅自信心。