三年前面包就嚟过一次【乐龄科技博览暨高峰会】，而2024年听讲个主题系AI应用，身为科技达人嘅面包拉着拍摄团队话一定要嚟多次。

一入会场就试玩左Seeker团队推出嘅AI镜头，可以透过拍照描述现场环境，准确度一百分啊，面包话以后唔洗惊买盐变左做买糖。

跟住去左玩银龄守护卡，佢嘅AI可以连接唔同日常程序，讲一句佢就可以帮你叫外卖或者做唔同野，真系超级方便！ 如果发生意外，仲可㩒守护卡上面嘅SOS制，连接去监察平台，就会有人提供帮助。

行到差唔多面包肚饿了，去左照护食区试食唔同餐厅出嘅软餐。无谂到隔左一排，照护食就发展得咁完善，无论色、香、味都好出色，面包都赞好味道！

最后食饱饱紧系要郁动下，面包就去左远程复康训练平台到玩，而系加入左唔同游戏元素，唔讲仲以为真系打紧机。

参观后佢分享：「乐龄科技越出越进步，大家唔再惊年纪大机器坏，可以轻松面对乐龄人生。」